مهم جدا جدا جدا وانتا بتشتري عربية مستعملة خلي بالك ...

مهم جدا جدا جدا وانتا بتشتري عربية مستعملة خلي بالك ...

مهم جدا جدا جدا وانتا بتشتري عربية مستعملة خلي بالك ...

ركزوا معايا شوية 👇👇

🤔🤔🤔🤔لو هاتشترى عربية مستعمله لازم تكون عارف و فاهم الكلام دا عن صاج العربية و ازاى تفحصه.

أول ما تفكر تشترى عربية مستعلمة و تبدأ تدور و تسأل سواء على الإنترنت او السوق, اول حاجة بتسمعها من البائع, العربية فبريكة, فبريكة دواخل و رشة بره, راشة حزام , راشة نظافه,.....ألخ.

عايزين نعرف معنى الكلام دا و نفهم شويه حاجات و خبايا.

راشة_جوه

و دا طبعاُ ناس كتير بتبعد عنه و بتخاف منه, و دا معناه ان العربية تعرضت لحادثة جامدة سمعت (وصل تأثيرها) لدواخل العربية (هيكل العربيه من الداخل) وإستدعى انه يسمكر الجزء دا و لازم يرش طبعاُ عشان الصداء و البارومة و الشكل الداخلى

(ملحوظة: فى ناس معدومى الضمير بيعملو ألاعيب عشان يدارو الرش دا زى انه يروش عليه شاى مغلى او يدهنه شيشلوك مائى عشان يبان الدهان باهت و قديم و ماتشكش انها لسه مرشوشة)

#طيب ندخل فى المهم, إيه الأجزاء اللى بتترش جوه

هانبدأ بالأخطر و اللى تخاف منه ثم الأقل خطورة

#قوايم الأبواب (معناه ان العربيه اتقلبت قبل كده على جنبها أو سقفها)

بتشوف الفنى اللى جاى يفحص العربيه بيفك جلد الأبواب دا عشان يشوف اى اثار لرش او لحام او استعدال فبيبص على قفل القايم (الزاويه القايمه لتقابل القايم مع التانى) شداد الباب (ممكن يكون عليه اثار دهان), كالون الباب (ممكن يكون عليه اثار دهان).

سقف العربية

معناه ان العربية اتقلبت قبل كده على سقفها و فى الغالب بيأثر على القوايم و الكبوت و الشنطه و هيكل العربية عموماً و غالباً بيتم تغيير سقف كامل أو فبرة السقف

العربية من الأمام

 (معناه ان العربية عملت حادثه من الأمام)

ممكن يرش كارتيره, حوض, صدر, أو فرد الشاسيه و بيبان انك ممكن تلاقى أثار بويه على الموتور, على أجزاء الموتور, على الضفيره و سلوك الكهرباء, البطاحات, و كمان الفلتو للفبريكه بيختلف فى الشكل عن المرشوش و الفلتو الفابريكه بيكون ناشف.

 #السيارة من الخلف (معناه ان العربيه عملت حادثه من الخلف)

بتكون راشة شنطة و فيها معجون, كارتيرات, دواخل الشنطة

العتب

ممكن يكون متغير لأن مانفعش فيه شفط, و دا بيتعرف من أمكان الفواصل و أماكن بنط اللحام لأن شكلها بيختلف عن الفبريكه و بنط لحام المصنع.

من الأعمال التانيه انك بتنزل تحت العربية تشوف لو فى بارومه او صداء, تشوف الشيشلوك و ياترى دا دهانها و لا دا شيشلوك مدهون, تراجع الفلتو للعربية بالكامل (شريط رفيع فى دواخل العربيه عند الأركان و زوايا تقابل الأسطح), تراجع أجزاء الهيكل من أبواب وكبوت وشنطه عشان تتأكد أن مافيش أجزاء متغيره فى العربية زى ابواب، رفارف، كبوت، أكصدامات و طبعاُ دا بيبان فى الفواصل و تطبيع كل جزء على اللى جنبه و خبطه ايدك عليه هايختلف صوتها عن بقيه صاج العربية.

ملحوظه (ممكن تكون العربية اتخبطت من قدام أو ورا و رشت جوه لكن لو رجعت للحادثه تلاقيها بسيطه, دا كله نصيب و قدر و سعات النتيجه مابتكونش زى توقعاتك)

 نتكلم بقى عن أخطر شئ و هو أن العربية مغيره نص, ربع ألخ 

و دا معناه ان العربية عملت حادثة شديدة جداً لدرجه ان ماينفعش فيها سمكرة و بيكون الهيكل متدمر فى مكان كبير او جزء كامل, فالفكرة انه بيشيل الجزء دا بالكامل و يركب مكانه جزء جديد 

( إستيراد لسيارات مقطعة من الخارج) 

فأجزاء السيارة المقطعة معروفة الفنى يفحص اماكن أتصال الإجزاء دى ببعضها فى العربية عشان يشوف لحامات و اثار بنط لحام وخصوصاً فى الفواصل الضيقه.

راشه نضافه ( يعنى من غير طبقه معجون تحت الدهان)

ممكن تكون العربية راشه بره نظافة نتيجه سوء ظروف السواقه فى مصر من زحمه و شوارع ضيقه فممكن العربية تتحك او تتخدش, بيكون عيب بسيط جدا بتداوا ان العربيه تترش.

 راشة حزام (يعنى راشه داير ما يدور العربيه بأرتفاع من حز الأبواب من فوق لحد تحت العتب)

هنا ممكن تكون اتخبطت خبطات بسيطه و اتردد بعدها و حط طبقه معجون ورش, و ممكن تكون راشه نظافه بس و رش الحزام بس عشان هو اللى فيه خدوش و إحتكاكات.

ملحوظه: البائع بيقصد من كده انه يعرفك ان السقف و الكبوت و الشنطة للعربية ماترشش يعنى ما عملتش حوادث او اتقلبت قبل كده على سقفها لقدر الله.

 راشه بره كلها

ممكن تكون اتعرضت لحادثة خابطة او ماشابه ذلك, فبيسمكر و يستعدل و يحط معجون و يرش, ممكن تعرف مكان الخبطه لو خبطت على صاج العربيه لو الصوت رنان يبقى كده مافيش معجون تحت الدهان, اما لو الصوت مكتوم فكده تفهم ان فى معجون تحت الدهان. و ممكن تكون راشه بره كلها نظافه بس نتيجه ان الدهان بهت و قرح من الشمس او الجو.

🚦للعلم : لو مش فاضي تروح ترخص او تجدد ترخيص عربيتك هنقوم بالمهمة دي مكانك .

مع تحيات مركز الدمرداش للخدمات الحكومية ترخيص وزارة التخطيط والمتابعة والاصلاح الاداري رقم 779

دمياط الجديدة - دمياط 

01007810959

من فضلك لايك ومشاركة للمحتوي ليستفيد غيرك والله ولي التوفيق